Identity Restoration Reloaded
Konferencë me panelistët Isuf Berisha, Baton Haxhiu, Adriatik Kelmendi, Nita Luci, Valon Murati, Petrit Selimi. Konferenca do të moderohet nga Albert Heta

15 Nëntor 2012, ora 13:00

‘Identity Restoration Reloaded’, si konferencë dhe projekt është i bazuar në ri-bërjen e konferencës ‘Identity Restoration’, e mbajtur në vitin 2007, tani i zgjeruar në perspektivë me elemente të reja, dhe i vendosun në një kontekst të ri shoqëror dhe politik, për rëndësinë e ngjarjeve të kaluara në situatën e tanishme, me synimin me reflektu në praktikat e të sotmës dhe të ngjarjeve që na udhëhoqën në këtë rrugëtimi sfidues dhe në një proces të komplikuar të ri-krijimit të koncesusit shoqëror për një projekt ndërkombëtar për shtet – nji identitet politik bashkëkohor.

Në kontekstin e caktuar kohor, ‘Identity Restoration Reloaded’, ka për qëllim të funksinonoj si një intervenim sublim, në kohën dhe kontekstin kur ka me u paraqitë në publik, në nëntorin e vitit 2012.

Të gjitha modulet e punës dhe fazat e projektit ‘Identity Restoration Reloaded’ kanë rol specifik në strukturën komplekse të projektit.

Konferenca ‘Identity Restoration Reloaded’ është përkrahur nga Fondacioni i Kosovës për Shoqëri të Hapur, Ujë Rugove dhe DZG.