Anton Vidokle në Shkolla Verore si Shkollë 2019
20 gusht, 2019, 19:00
Vendi: Klubi i Boksit
Shkolla Verore si Shkollë
5 - 21 gusht, 2019
5 - 21 gusht, 2019
Stacion – Qendra për Art Bashkëkohor Prishtina ka kënaqësinë të prezentoj “Pavdekësia për të gjithë: një trilogji filmike mbi kozmizmin rus” nga Anton Vidokle, pjesë e Programit Publik të Shkolla Verore si Shkollë 2019.
Sot filozofia ruse e njohur si Kozmizëm është harruar kryesisht. Parimet e saj utopike - ndërthurja e iluminizmit perëndimor me filozofinë lindore, traditat ortodokse ruse me Marksizmin - frymëzuan shumë mendimtarë kryesorë sovjetikë, derisa ata ranë viktimë e shtypjes staliniste. Në këtë projekt filmik me tre pjesë, artisti Anton Vidokle shqyrton ndikimin e Kozmizmit në shekullin XX dhe sugjeron rëndësinë e tij deri në ditët e sotme. Në Pjesën e Parë ai kthehet në themelet e mendimit Kozmist (This Is Cosmos, 2014). Pjesa e dytë eksploron lidhjet midis kozmologjisë dhe politikës (The Communist Revolution Was Caused By The Sun, 2015) dhe Pjesa e Tretë rikthen muzeun si një pozitë e ringjalljes, një ide qendrore kozmiste (Immortality and Resurrection for All!, 2017).
Duke kombinuar ese, dokumentar dhe performanca, Vidokle citon nga shkrimet e themeluesit të Kozmizmit, Nikolai Fedorov dhe filozofë e poetë të tjerë. Kamera e tij endacake kërkon për gjurmë të ndikimit kozmist në mbetjet e artit, arkitekturës dhe inxhinierisë së epokës sovjetike, duke kaluar nga stepat e Kazakistanit në muzetë e Moskës. Muzika nga John Cale dhe Éliane Radigue shoqëron këto imazhe bezdisëse, duke ngjallur dëshirën për lidhje, barazi sociale, transformim material dhe pavdekësi në zemër të mendimit kozmist.
Ky është Kozmosi:
I xhiruar në Siberi dhe Kazakistan, si dhe rajone të Moskës dhe Archangelsk-it, filmi i parë në trilogjinë mbi Kozmizmin Rus përfshin një kolazh idesh nga protagonistët e ndryshëm të lëvizjes, përfshirë filozofin themelues, Nikolai Fedorov. Fedorov, ndër të tjerë, besonte se vdekja ishte një gabim - një e metë në modelin e përgjithshëm të njeriut, "sepse energjia e kozmosit është e pathyeshme, sepse feja e vërtetë është një kult i të parëve, sepse barazia e vërtetë sociale është pavdekësia për të gjithë". Për kozmistët rusë, përkufizimi i kozmosit nuk ishte i kufizuar në hapësirën e jashtme: përkundrazi, ata u përpoqën të krijojnë "kozmos", ose jetë harmonike dhe të përjetshme, në Tokë. Qëllimi përfundimtar, siç u ndriçua në filmin e shkurtër, ishte "ndërtimi i një realiteti të ri, pa uri, sëmundje, dhunë, vdekje, nevojë, pabarazi - si komunizmi".
Revolucioni komunist u shkaktua nga Dielli:
Pjesa e dytë e trilogjisë shikon dimensionin poetik të kozmologjisë diellore të biofizikantit Sovjetik, Alexander Chizhevsky. I gjiruar në Kazakistan, ku Chizhevsky u burgos dhe më vonë u internua, filmi prezanton hulumtimin e Shizhevsky mbi ndikimin e emetimeve diellore në sociologjinë njerëzore, psikologjinë, politikën dhe ekonominë në formën e luftërave, revolucioneve, epidemive dhe trazirave të tjera. Filmi shtron jetën e banorëve rural post-sovjetik dhe projektet e të ardhmes së kozmizmit rus për të theksuar se qëllimi i përparimeve të hershme sovjetike që synonin pushtimin e hapësirës së jashtme nuk ishte aq pershpejtimi teknik, por shkaku i zakonshëm i njerëzimit në luftën e tyre kundër kufizimeve të jetës tokësore.
Pavdekësia dhe ringjallja për të gjithë!:
Pjesa e fundit e trilogjisë është një meditim në një muze si vend i ringjalljes - një ide qendrore për shumë mendimtarë kozmistë, shkencëtarë dhe artistë avangardë. I filmuar në Galerinë Shtetërore Tretyakov, Muzeun Zoologjik të Moskës, Bibliotekën Lenin dhe Muzeun e Revolucionit, filmi shikon teknikat muzeologjike dhe arkivore të mbledhjes, restaurimit dhe konservimit, si një mjet për restaurimin material të jetës, pas një eseje të shkruar nga Nikolai Fedorov mbi këtë temë në vitet 1880. Filmi pason një kast të përbërë nga ndjekës të ditëve të sotme të Fedorov, disa aktorë, artistë dhe një Faraon Hound që me lojshmëri miratojnë ringjalljen e një mumie, një ekzaminim të ngushtë të Sheshit të Zi të Malevich, ndërtimeve hapësinore të Rodchenko, kafshëve të balsamosura, artifakte të Revolucionit Rus, skelete dhe manekinat në skena të gjalla, në mënyrë që të krijojnë një vizualizim bashkëkohor për poezinë e nënkuptuar në shkrimet e Fedorov.
Anton Vidokle është një artist dhe redaktor i gazetes e-flux. Ai ka lindur në Moskë dhe jeton në New York dhe Berlin. Puna e Vidokle është ekspozuar ndërkombëtarisht në Documenta 13 dhe Bienalen e 56-të të Venecias. Filmat e Vidokle janë prezantuar në Bergen Assembly, Bienale Shanghai, 65th and 66th International Festival Filmale International, Forum Expanded, Biwenale Gwangju, Center Pompidou, Tate Modern, Muzeu Garage, Bienalja e Stambollit, Haus der Kulturen der Welt, Tensta Konsthall, Blaffer Art Muzeu, Muzeu Stedelijk, etj.