Julieta Aranda në Shkolla Verore si Shkollë 2022
13 gusht 2022, 13:00
Vendi: Klubi i Boksit

Koha e Pavdekshme

Kjo ligjeratë do të marrë si pikënisje realitetin e paqëndrueshëm të peizazheve të përhumbura nga kapitalizmi industrial dhe pashmangshmërinë në dukje të kolapsit në çdo hap të së ardhmes. Ne do të synojmë të kuptojmë ndryshimin midis apokalipsit dhe zhdukjes, dhe forcave që vëmë në lëvizje kur përpiqemi t'i përdorim këto koncepte si dritat me të cilat do të ndriçojmë botët në të cilat banojmë.

Të pavdekurit luajnë një rol të madh në imagjinatat apokaliptike. Por kur bëhet fjalë për të kuptuar se është ajo që nënkuptojmë kur flasim për të pavdekurit, duket se kemi humbur nga sytë se çfarë është në të vërtetë në rrezik në përfytyrimet e kohës së fundit. Shumë botë tashmë kanë marrë fund. Popujt indigjenë dhe të skllavëruar më parë kanë jetuar prej kohësh me apokalipsin pas takimeve të tmerrshme me përbindëshat njerëzorë.

"Apokalipsi sinjalizon te heqesh dorë nga e ardhmja në vend që të angazhohemi për punën e vështirë për të kompozuar një të tashme më të mirë", sipas fjalëve të Jeffrey Jerome Cohen. Në vend që të kënaqemi me tmerrin e apokalipsit, Cohen sugjeron që t'i ndajmë të pavdekurit nga ankthet për fundin e kohës. Ne mund t'i përqafojmë të vdekurit si figura gjeneruese që ilustrojnë aspekte të botës që kanë nevojë për kujdes."

Biografia:
Në praktikën e saj artistike, Julieta Aranda (Mexico City, Meksikë) kompozon takime ndijore me natyrën e kohës dhe letërsinë spekulative. Ajo vëzhgon ndryshimin e marrëdhënies njeri-tokë përmes lenteve të teknologjisë, inteligjencës artificiale, udhëtimit në hapësirë dhe hipotezave shkencore. Duke punuar me instalacion, skulpturë, video dhe media të shkruara, ajo është investuar në eksplorimin e potencialit të fantashkencës, ekonomive alternative dhe "poetikës së qarkullimit". Projektet e saj sfidojnë kufijtë midis subjektit dhe objektit duke përqafuar takimet e rastësishme, auto-shkatërrimin dhe proceset shoqëror.

Si redaktore e revistës e-flux dhe bashkëdrejtuese e platformës online e-flux së bashku me Anton Vidokle, Julieta Aranda ka zhvilluar projektet Global Contemporary Travel, Time/Bank, Pawnshop, Supercommunity dhe video me qira e-flux, shumica e të cilave filluan në vitrinën e e-flux në Nju Jork dhe kanë udhëtuar në shumë vende në mbarë botën.