Martin Fritz në Shkolla Verore si Shkollë 2022
15 gusht 2022, 20:00
Vendi: Klubi i Boksit
Kritika Institucionale dhe Praktika Institucionale
Diskutant: Daniel Cosentino
Artistët janë të lidhur me institucionet në fushën e tyre nga një marrëdhënie ambivalente dhe ata janë më të vetëdijshëm se sa kanë qenë ndonjëherë sesi puna e tyre është e përfshirë me kuadrin institucional të prezantimit të saj. Në kryqëzimin ndërmjet premisave të Kritikës Institucionale – e cila është zhvilluar hap pas hapi në një metodë gjithëpërfshirëse të kontekstualizimit social artistik – dhe manifestimeve të ndryshme të artit specifik të vendit, gjenden shembuj të shumtë veprash që përvetësojnë një lidhje të ngushtë arkitekturore, sociale, marrëdhënie strukturore dhe procesore me institucionet e prezantimit të tyre.
Pika e fillimit të ligjeratës është pohimi se ekziston një marrëdhënie simbioko-konstruktive midis prodhimit dhe institucionit, dhe se kjo merr formë si ideal, përvetësim, bashkë-krijim, kritikë dhe refuzim. Ishte herët për t'u vërejtur se ato punime dhe diskurse e konflikte të nxitura prej saj kishin potencial për të ndryshuar strukturat institucionale. Kjo edhe më shumë pasi kuratoret kanë përvetësuar metodologjinë e Kritikës Institucionale. Ne do të rishikojmë disa nga polemikat kryesore të dekadës së fundit (P.A.I.N, Whitney Museum, Liberate Tate) dhe do të shohim shembuj të projekteve dhe veprave të artit të diskutuara në mënyrë kontraverse.
Biograftë:
Martin Fritz studoi juridikun në Vjenë nga viti 1981 deri më 1986. Që nga ajo kohë ka punuar në fushën e produksionit të artit bashkëkohor në Vjenë, Nju Jork, Gjermani, dhe shtete të tjera. Duke filluar me projekte të pavarura në teatër, arte pamore, dhe film gjatë viteve ’80, ai u specializua në produksionin dhe krijimin e projekteve të arteve pamore në bashkëpunim me kuratorë dhe institucione, me theks të veçantë në menaxhim të projekteve dhe artin në hapësira publike.
Mes tjerash ka punuar edhe si drejtor në rihapjen e P.S.1 Qendra e Artit Bashkëkohor në Nju Jork, koordinator i përgjithshëm në Manifesta 4 – Bienalja Evropiane e Artit Bashkëkohor në Frankfurt (Main), dhe drejtor menaxhues i In Between – Projekti artistik i EXPO 2000 në Hanover.
Së fundmi ka punuar si konsultant për çështjet strukturale dhe organizative për iniciativat e financimit të arteve si projekti i filluar nga Fondacioni Federal Kulturor Gjerman në Berlin dhe Fondacioni ERSTE në Vjenë. Puna e tij kuratoriale përfshin projektet e artit për spitalin në Merano, Itali, projektet e artit për universitetin në Klagenfurt, Austri, dhe Beziehungsarbeit – Kunst und Institution, ekspozitë në shkallë të gjerë për Institutional Critique si dhe më shumë për Künstlerhaus në Vjenë. Prej vitit 2001 deri më 2007 ishte anëtari i bordit të Fondacionit Ndërkombëtar Manifesta. Prej vitit 2004 deri më 2009 ishte drejtori i Festivalit të Regjioneve, Bienales së artit dhe kulturës specifike të lokacionit në regjionet rurale të Austrisë së Epërme. Mes punëve të tjera të mësimdhënies (Donau Universität Krems, Department für Bildwissenschaften, ECM – University of Applied Arts Vienna), Martin Fritz ishte edhe profesor në Universitetin e Webster – Kampusi në Vjenë, në lëndën e “Organzatat Kulturore - Struktura dhe Teoria”, dhe ligjërues mysafir në CuMMa, në Universitetin Aalto, Helsinki.
Aktualisht kërkimet e tij janë të fokususara në Pallatin Imperial në Vjenë dhe shfrytëzimin e tij si hapësirë për muze dhe ekspozita gjatë shekullit XX.
Daniel Cosentino (1974, Nju Xhersi, SHBA) është një Artist Multimedial dhe edukator i specializuar në proceset dhe diskurset fotografike. Ai ka një diplomë Bachelor të Arteve në Filozofi (Minor në Teorinë e Muzikës/Kitarën Klasike) nga Universiteti Rutgers, NJ (1998) dhe një Master i Arteve të Bukura në Arte Imazhe/Fotografi nga Instituti i Teknologjisë Rochester - RIT (2009). Midis 1998 dhe 2001 Cosentino jetoi dhe punoi në rajonin e Shteteve Malore të SHBA-së, duke punuar në një laborator fotografish të personalizuar në Jackson, WY, ku zhvilloi edhe ekspozitat e tij të para publike. Përpara studimeve të tij MFA, duke vizituar Evropën për herë të parë, ai ndoqi një program një vjeçar të artit në studio pas diplomimit në Kolegjin SACI të Artit dhe Dizajnit në Firence, Itali (2001 - 2002), ku eksploroi artet tradicionale në studio ( vizatimi, piktura, fotografia, muzeologjia dhe teoria kritike). Si kandidat për MPJ në Rochester, ai punoi si përgatitës ekspozitash në Shtëpinë George Eastman, Muzeu Ndërkombëtar i Fotografisë, si dhe me Community Design Center Rochester, së bashku me arkitektë, urbanistë, projektues dhe qytetarë.
Në periudhën 2008 - 2010, ai shërbeu si Profesor Adjunct në RIT College of Art & Design dhe në Universitetin e Rochester School of Arts and Sciences. Që nga shtatori i vitit 2010 ai është i bazuar në Prishtinë si Asistent Profesor në RIT Kosovë (ish-Universiteti Amerikan në Kosovë - A.U.K) përmes Programeve Globale të Institutit të Teknologjisë Rochester, duke ligjëruar kryesisht fotografi, dizajn grafik dhe dizajn ueb. Krahas mësimdhënies, ai ka përvojë në udhëheqje akademike si Zëvendës President për Çështje Akademike dhe Drejtor i Programeve RIT në Kosovë për tri vite radhazi (2015 - 2018), ku ka shërbyer edhe si Kryetar i Senatit Akademik dhe Drejtor i Mediave.